28 кастрычніка, Мінск /Кар. БЕЛТА/. Беларускія канькабежцы паспяхова пачалі выступленне на першым этапе Кубка Расіі, які праходзіць у Каломне, паведамляе карэспандэнт БЕЛТА.
У мужчын на дыстанцыі 1000 м перамог беларус Ігнат Галавацюк, які паказаў рэзультат 1 мін. 09,87 сек. У спаборніцтвах жанчын у гэтай дысцыпліне першай была расіянка Лізавета Голубева, а беларуска Кацярына Слоева заняла 6-е месца.
Беларусы заваявалі дзве залатыя ўзнагароды ў камандных спаборніцтвах. Віктар Рудэнка, Ягор Дамарацкі і Яўген Болгаў сталі лепшымі ў мужчынскім забегу на 8 кругоў. У жанчын Кацярына Слоева, Яўгенія Вараб'ёва і Ганна Кавалёва перамаглі ў забегу на 6 кругоў.
У стартавым этапе Кубка Расіі прымаюць удзел больш за 180 беларускіх і расійскіх спартсменаў. Заўтра турнір у Каломне завершыцца. Другі кубкавы этап пройдзе ў лістападзе ў Санкт-Пецярбургу, трэці - у студзені 2023 года прыме Чэлябінск, чацвёрты этап пройдзе ў пачатку лютага ў Кіраве, а ў самым канцы зімы фінал кубкавых спаборніцтваў адбудзецца ў Каломне.-0-
