28 кастрычніка, Мінск /Кар. БЕЛТА/. На пляцоўцы Рэспубліканскага дзяржаўнага вучылішча алімпійскага рэзерву стартаваў першы тур Маладзёжнай валейбольнай лігі Расіі сярод дзяўчат, паведамляе карэспандэнт БЕЛТА.
Удзел у Маладзёжнай лізе прымаюць дубліруючыя склады каманд расійскай Суперлігі. Фарм-клубам "Мінчанкі", якая выступае ў чэмпіянаце Расіі, з'яўляецца юніёрская зборная Беларусі. У першым матчы МВЛ нашы дзяўчаты прымалі "Туліцу-2". У абедзвюх стартавых партыях мацнейшымі былі саперніцы, аднак трэці і чацвёрты сэты забралі ўжо гаспадыні пляцоўкі. У вырашальнай пятай партыі каманды дайграліся да ліку 14:14, але два наступныя розыгрышы засталіся за нашымі дзяўчатамі. Як вынік - 3:2 па сэтах.
Наступны матч у Маладзёжнай валейбольнай лізе Расіі жаночая юніёрская зборная Беларусі правядзе ў пятніцу супраць "Ліпецка-2". Сустрэча стартуе ў 19.30. Таксама 28 кастрычніка свой пяты паядынак на дамашнім этапе МВЛ правядуць нашы юнакі. Сапернікам беларусаў, у якога пакуль 2 перамогі і 2 паражэнні, стане каманда "СШАР Саматлор" з Ніжнявартаўска. Гэты матч пачнецца ў 14.30.-0-
