ДЗЯРЖОРГАНЫДЗЯРЖОРГАНЫ
Флаг Серада, 19 студзеня 2022
Мінск Суцэльная воблачнасць -4°C
Усе навіны
Усе навіны
Спорт
09 жніўня 2017, 12:22

Беларускія хакеісткі разграмілі Аўстрыю на ЧЕ ва Уэльсе

Зборная Беларусі. Фота Smifsports
Зборная Беларусі. Фота Smifsports

9 жніўня, Мінск /Кар. БЕЛТА/. Жаночая зборная Беларусі па хакеі на траве разграміла саперніц з Аўстрыі з лікам 5:0 на чэмпіянаце Еўропы ў дывізіёне II у Кардыфе (Уэльс), паведамляе карэспандэнт БЕЛТА.

Пачатак перамозе паклала нападаючая гродзенскага "Рытму" Святлана Багушэвіч, якая вызначылася на 15-й хвіліне гульні. Праз чатыры хвіліны Надзея Сіліцкая павялічыла перавагу ў ліку - 2:0. Далей беларускі двойчы ўдала разыгралі штрафны вуглавы. Аўтарамі галоў сталі Хрысціна Папкова (34-я хвіліна) і Рыта Батура (37-я хвіліна). Канчатковы лік ўстанавіла Вольга Скрыба ў канцы матчу на 58-й хвіліне.

Жаночая зборная Беларусі атрымала другую перамогу на турніры. Раней падапечныя былі мацнейшымі за каманду Польшчы - 2:0. Наступны матч беларускі правядуць супраць Уэльса 9 жніўня (у 20.00). У іншым паядынку сустрэнуцца Аўстрыя і Польшча.

Пасля двух тураў Беларусь упэўнена лідзіруе ў групе В, набраўшы шэсць ачкоў. Дзве лепшыя каманды прадоўжаць барацьбу за ўзнагароды ў 1/2 фіналу.

Паўфінальныя гульні турніру адбудуцца 11 жніўня, фінал і матч за 3-е месца пройдуць 12 жніўня. Фіналісты турніру атрымаюць права выступіць у мацнейшым дывізіёне чэмпіянату Еўропы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі