Сцяг Аўторак, 19 сакавіка 2024
Усе навіны
Усе навіны
Спорт
17 мая 2022, 16:09

Беларускія гоншчыкі прымуць удзел у ралі "Шаўковы шлях"

17 мая, Мінск /Кар. БЕЛТА/. Гоншчыкі з Беларусі прымуць удзел у міжнародным ралі-рэйдзе "Шаўковы шлях", паведамляе БЕЛТА са спасылкай на ТАСС.

"У гэтым годзе на старт ралі выйдуць гоншчыкі з Расіі, Беларусі, Казахстана і Туркменістана. "Шаўковы шлях" упершыню пройдзе па тэрыторыі Паўночнага Каўказа - у Дагестане і Чачні", - сказаў кіраўнік ралі Віктар Чагін на сустрэчы з журналістамі.

"Шаўковы шлях - 2022" пройдзе з 6 па 16 ліпеня. Маршрут ралі будзе прымеркаваны да 350-годдзя з дня нараджэння Пятра І і пройдзе па гарадах, якія звязаны з імем імператара. Гонка стартуе ў Астрахані, а фінішуе ў Маскве, таксама ўдзельнікі праедуць праз Грозны, Элісту, Валгаград і Варонеж.

На міжнародным ралі-рэйдзе "Шаўковы шлях - 2021" экіпаж беларускай каманды "МАЗ-СПОРТаўта" пад кіраўніцтвам Сяргея Вязовіча заняў другое месца ў заліку грузавікоў.-0-

Падпісвайцеся на нас у
Twitter
Топ-навіны
Свежыя навіны Беларусі