11 сакавіка, Мінск /Кар. БЕЛТА/. Гандбалісткі нацыянальнай зборнай пачалі падрыхтоўку да адборачнага турніру чэмпіянату свету, які пройдзе ў Мінску, паведамляе карэспандэнт БЕЛТА.
Трэнерскі штаб беларускай каманды на чале з Томажам Чатэрам запрасіў на збор 21 гандбалістку:
варатары - Юлія Кунцэвіч ("Гомель"), Валянціна Вайтулевіч, Юлія Грацкевіч (абедзве - "БНТУ-БелАЗ");
палявыя ігракі - Наталля Коціна, Таццяна Самсонава, Ірына Мокат, Хрысціна Ахраменка (усе - "Гомель"), Настасся Кулак, Дар'я Вакуліч, Яна Сотнікава, Дар'я Басевіч (усе - "БНТУ-БелАЗ"), Ганна Рабчанка, Яніна Елісеева (абедзве "Гараднічанка", Гродна), Настасся Сівуха, Ірына Шынкарук (абедзве - "Бярэсце", Брэст), Настасся Грахоўская, Алёна Шынкевіч (абедзве - "Віцябчанка"), Вікторыя Шаманоўская ("Лада", Тальяці, Расія), Дзіяна Ільіна, Наталля Васілеўская (абедзве - "Глорыя Бістрыца", Румынія), Марыя Канавал ("Дунарэя", Румынія).
У стартавым матчы 5-й кваліфікацыйнай групы на пляцоўцы мінскай "Чыжоўка-арэны" беларускі 19 сакавіка згуляюць з камандай Фарэрскіх астравоў, а 21 сакавіка сустрэнуцца са зборнай Швейцарыі. У стадыю плэй-оф выйдуць па дзве лепшыя каманды з пяці груп. Паядынкі за траплянне ў фінальную стадыю сусветнага першынства адбудуцца з 16 па 21 красавіка.
Фінальную частку 25-га жаночага чэмпіянату планеты з удзелам 32 каманд плануецца правесці з 2 па 19 снежня 2021 года на арэнах Іспаніі.-0-
