ДЗЯРЖОРГАНЫДЗЯРЖОРГАНЫ
Флаг Субота, 8 мая 2021
Мінск Суцэльная воблачнасць +8°C
Усе навіны
Усе навіны
Спорт
30 сакавіка 2021, 13:21

Беларускія футбалісты згуляюць у гасцях з бельгійцамі ў кваліфікацыі чэмпіянату свету

Фота з архіва
Фота з архіва

30 сакавіка, Мінск /Кар. БЕЛТА/. Футбалісты нацыянальнай зборнай Беларусі правядуць сёння чарговы адборачны матч чэмпіянату свету 2022 года, паведамляе карэспандэнт БЕЛТА.

У сваім другім матчы кваліфікацыйнай групы Е падапечныя Міхаіла Мархеля згуляюць у гасцях у лідара рэйтынгу ФІФА зборнай Бельгіі. Гульня на полі стадыёна Den Dreef пачнецца ў 21:45 і будзе паказана ў прамым эфіры тэлеканала "Беларусь 5". Сустрэчу рассудзіць брыгада літоўскіх арбітраў, якую ўзначаліць Данатас Румшыс. Яго асістэнтамі будуць Аляксандр Радыус і Давідас Сужэдэліс, рэзервовы суддзя - Робертас Валіконіс. У сваім першым адборачным матчы сусветнага першынства беларускія футбалісты перамаглі ў Мінску каманду Эстоніі з лікам 4:2 (галы ў беларусаў: Віталь Лісаковіч - 2, Юрый Кендыш, Павел Савіцкі). Зборная Бельгіі спачатку выйграла ў Бруселі ў каманды Уэльса - 3:1, а потым у Празе разышлася мірам з чэхамі - 1:1. Нацыянальныя зборныя Беларусі і Бельгіі яшчэ ні разу не сустракаліся паміж сабой.

Таксама сёння ў гэтай групе футбалісты Уэльса прымуць у Кардыфе чэшскую каманду. У першым туры чэхі разграмілі эстонцаў з лікам 6:2. Становішча каманд у групе Е цяпер такое: Чэхія - 4 ачкі (2 матчы; розніца мячоў - 7-3), Бельгія - 4 (2; 4-2), Беларусь - 3 (1; 4-2), Уэльс - 0 (1; 1-3), Эстонія - 0 (2; 4-10).

Яшчэ 8 сустрэч пройдуць сёння ў іншых групах:

А - Люксембург - Партугалія, Азербайджан - Сербія. Становішча каманд: Сербія - 4 балы (2 матчы), Партугалія - 4 (2), Люксембург - 3 (1), Азербайджан - 0 (1), Ірландыя - 0 (2).

G - Гібралтар - Нідэрланды, Турцыя - Латвія, Чарнагорыя - Нарвегія. Становішча каманд пасля двух тураў: Турцыя - 6, Чарнагорыя - 6, Нідэрланды - 3, Нарвегія - 3, Латвія - 0, Гібралтар - 0.

Н - Славакія - Расія, Харватыя - Мальта, Кіпр - Славенія. Становішча каманд пасля двух тураў: Расія - 6, Славенія - 3, Харватыя - 3, Славакія - 2, Кіпр - 1, Мальта - 1.

У астатніх групах матчы 3-га тура адбудуцца 31 сакавіка:

В - Іспанія - Косава, Грэцыя - Грузія. Становішча каманд: Швецыя - 6 ачкоў (2 матчы), Іспанія - 4 (2), Грэцыя - 1 (1), Грузія - 0 (2), Косава - 0 (1).

С - Літва - Італія, Паўночная Ірландыя - Балгарыя. Становішча каманд: Італія - 6 (2), Швейцарыя - 6 (2), Літва - 0 (1), Паўночная Ірландыя - 0 (1), Балгарыя - 0 (2).

D - Украіна - Казахстан, Боснія і Герцагавіна - Францыя. Становішча каманд: Францыя - 4 (2), Фінляндыя - 2 (2), Украіна - 2 (2), Боснія і Герцагавіна - 0 (1), Казахстан - 0 (1).

F - Аўстрыя - Данія, Малдова - Ізраіль, Шатландыя - Фарэрскія астравы. Становішча каманд пасля двух тураў: Данія - 6, Аўстрыя - 4, Шатландыя - 2, Фарэрскія астравы - 1, Ізраіль - 1, Малдова - 1.

I - Англія - Польшча, Іспанія - Венгрыя, Сан-Марына - Албанія. Становішча каманд пасля двух тураў: Англія - 6, Польшча - 4, Венгрыя - 4, Албанія - 3, Андора - 0, Сан-Марына - 0.

J - Арменія - Румынія, Германія - Паўночная Македонія, Ліхтэнштэйн - Ісландыя. Становішча каманд пасля двух тураў: Галандыя - 6, Албанія - 6, Паўночная Македонія - 3, Румынія - 3, Ісландыя - 0, Ліхтэнштэйн - 0.

Напрамую ў фінальную стадыю планетарнага форуму ад Еўропы выйдуць пераможцы 10 кваліфікацыйных груп. Каманды, якія фінішуюць другімі, а таксама дзве лепшыя зборныя з Лігі нацый правядуць паядынкі за 3 пропускі на чэмпіянат свету. Фінальная стадыя 22-га па ліку чэмпіянату планеты пройдзе з 21 лістапада па 18 снежня 2022 года на футбольных палях Катара. У турніры прымуць удзел 32 зборныя з усіх кантынентаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі