29 жніўня, Мінск /Кар. БЕЛТА/. Футбалісты юнацкай зборнай Беларусі (U-16) заваявалі сярэбраныя медалі 15-га міжнароднага турніру памяці заслужанага трэнера СССР Юрыя Марозава ў Санкт-Пецярбургу, паведамляе карэспандэнт БЕЛТА.
У стартавым паядынку беларускія футбалісты абыгралі равеснікаў з сербскага клуба "Црвена Звезда" (Бялград) з лікам 9:5, затым ва ўпартай барацьбе ўступілі гаспадару турніру піцерскаму "Зеніту" з рэзультатам 3:4, а потым з буйным лікам 0:5 прайгралі юнацкай зборнай Расіі, якая стала пераможцам гэтых спаборніцтваў, атрымаўшы тры вікторыі ў трох праведзеных сустрэчах.
Па выніках турніру былі вызначаны лепшыя ў гульнявых амплуа: варатар - Аляксей Пятроў ("Зеніт"), абаронца - Павел Апяцёнак (зборная Беларусі), паўабаронца - Арцём Панамарчук (зборная Расіі), нападаючы - Стэфан Младэнавіч ("Црвена Звезда").-0-
