Мабільная версія
ДЗЯРЖОРГАНЫ

Апошнія навіны
Усе навіны

Беларускія футбалісты пацярпелі чацвёртае паражэнне ў кваліфікацыі Еўра-2020

Спорт 12.06.2019 | 12:40
У час матчу
У час матчу

12 чэрвеня, Мінск /Кар. БЕЛТА/. Беларускія футбалісты пацярпелі чацвёртае паражэнне ў кваліфікацыі Еўра-2020, уступіўшы ў Барысаве камандзе Паўночнай Ірландыі з лікам 0:1, паведамляе карэспандэнт БЕЛТА.

Беларусь - Паўночная Ірландыя - 0:1 (0:0).

11 чэрвеня. "Барысаў-Арэна". 4000 гледачоў.

Суддзя - Х.Лехнер (Аўстрыя).

Беларусь: Гутар; Шытаў (Вераціла, 72), Навумаў, Мартыновіч, Палякоў, Няхайчык, Корзун (Кісляк, 46), Маеўскі, Стасевіч, Кавалёў, Шыкаўка (Лапцеў, 58).

Паўночная Ірландыя: Пікок-Фарэл; М.Сміт, Кэткарт, Дж.Эванс, Льюіс, Макнэйр, Дэвіс, К.Эванс (Савіль, 70), Маджэніс (Далас, 56), Вашынгтан (Лаферці, 72), Джонс.

Гол - 0:1 - Макнэйр (86).

Папярэджанні: Корзун, Льюіс, К.Эванс, Лаферці.

Пацярпеўшы тры паражэнні ў папярэдніх адборачных матчах, беларускія футбалісты мелі намер рэабілітавацца ў гульні з паўночнаірландцамі, якім уступілі ў Белфасце 1:2. Але рэваншу не адбылося. У пачатку гульні на полі "Барысаў-Арэны" госці прымусілі хвалявацца ігракоў і балельшчыкаў беларусаў. Мінут 20 госці поўнасцю валодалі ініцыятывай, але гаспадары выстаялі. Затым беларускія футбалісты пачалі гуляць больш актыўна, але іх атакуючыя вылазкі таксама поспеху не мелі. Пасля перапынку гульня праходзіла дакладна па такім жа сцэнарыі, толькі з той розніцай, што на 86-й мінуце гульні больш настойлівыя госці здолелі выкарыстаць свой шанц, і Падзі Макнэйр паразіў вароты Аляксандра Гутара. Паўночнаірландцы засталіся лідарамі групы, атрымаўшы 4 вікторыі ў чатырох праведзеных сустрэчах.

Адразу пасля матчу галоўны трэнер беларускай каманды Ігар Крывушэнка папрасіў выбачэння ў балельшчыкаў за няўдалую гульню і заклікаў іх прадаўжаць падтрымліваць беларускую зборную.

У другім другасным паядынку групы С зборная Германіі ў Майнцы не мела ніякіх праблем з гасцямі з Эстоніі - 8:0.

Турнірнае становішча: Паўночная Ірландыя - 12 ачкоў (4 матчы), Германія - 9 (3), Нідэрланды - 3 (2), Беларусь - 0 (4), Эстонія - 0 (3).

Наступныя матчы кваліфікацыі Еўра-2020 пройдуць у пачатку восені. Беларуская зборная 6 верасня згуляе ў Таліне супраць каманды Эстоніі, а нямецкія футбалісты прымуць на сваім полі галандцаў.-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь у рэйтынгу дзяржаў па індэксе развіцця чалавека Штогадовыя глабальныя даклады аб чалавечым развіцці публікуюцца ПРААН з 1990 года.