17 снежня, Мінск /Кар. БЕЛТА/. У штаб-кватэры УЕФА ў швейцарскім Ньёне адбылася жараб'ёўка груп новага сезона Лігі нацый, паведамляе карэспандэнт БЕЛТА.
Футбалісты зборнай Беларусі выступяць у трэцім па рангу дывізіёне - лізе С. У 3-й папярэдняй групе сапернікамі беларусаў будуць каманды Славакіі, Азербайджана і пераможца матчу паміж зборнымі Малдовы і Казахстана.
Склады астатніх квартэтаў лігі С:
1 - Літва, Люксембург, Фарэрскія астравы, Турцыя;
2 - Грэцыя, Паўночная Ірландыя, Косава, пераможца матчу Кіпр - Эстонія;
4 - Грузія, Паўночная Македонія, Гібралтар, Балгарыя.
Сустрэчы групавога этапу пройдуць з чэрвеня па верасень 2022 года. Стыкавыя матчы за выхад у лігу В адбудуцца ў сакавіку 2024 года.-0-