Фота з архіва
4 верасня, Мінск /Кар. БЕЛТА/. Футбалісткі двух лепшых беларускіх клубаў правядуць стартавыя паядынкі кваліфікацыі жаночай Лігі чэмпіёнаў, паведамляе карэспандэнт БЕЛТА.
У харвацкім горадзе Осіек чэмпіёнкі краіны - спартсменкі сталічнага "Дынама-БДУФК" у паўфінале першага кваліфікацыйнага раўнда сустрэнуцца з ірландскім клубам "Пімаўнт Юнайтэд" (пачатак гульні ў 12.00). Калі падапечныя Юрыя Малеева выйграюць, то 7 верасня паспрачаюцца за выхад у другі круг кваліфікацыі з пераможцам матчу паміж харвацкім "Осіекам" і славацкім "Спартаком" з Міявы.
Сапернікам сярэбранага прызёра чэмпіянату Беларусі ФК "Мінск" у ісландскім Коўпавагуры сёння будзе ісландскі "Брэйдайблік" (пачатак у 22.00). У выпадку поспеху мінчанкі 7 верасня будуць змагацца за выхад у наступны этап з лепшай камандай пары "Айнтрахт" (Франкфурт, Германія) - "Спортынг" (Лісабон, Партугалія).
У мінулым сезоне абодва беларускія калектывы не змаглі прабіцца ў асноўны этап галоўнага жаночага клубнага турніру Еўропы. Спартсменкі "Дынама-БДУФК" спачатку разграмілі малдаўскі клуб "Агарыста" (9:0), а потым прайгралі нідэрландскаму "Аяксу" з Амстэрдама (0:3). Футбалісткі "Мінска" ўступілі нарвежскай камандзе "Валеранга" (1:3) і дацкаму "Брондбю" (1:2).
Пераможцам Лігі чэмпіёнаў трэці раз стала іспанская "Барселона", якая абыграла ў вырашальным паядынку французскі "Ліён" з лікам 2:0. У актыве "Ліёна" восем пераможных фіналаў ЛЧ, нямецкі "Франкфурт" браў трафей чатыры разы.-0-
У харвацкім горадзе Осіек чэмпіёнкі краіны - спартсменкі сталічнага "Дынама-БДУФК" у паўфінале першага кваліфікацыйнага раўнда сустрэнуцца з ірландскім клубам "Пімаўнт Юнайтэд" (пачатак гульні ў 12.00). Калі падапечныя Юрыя Малеева выйграюць, то 7 верасня паспрачаюцца за выхад у другі круг кваліфікацыі з пераможцам матчу паміж харвацкім "Осіекам" і славацкім "Спартаком" з Міявы.
Сапернікам сярэбранага прызёра чэмпіянату Беларусі ФК "Мінск" у ісландскім Коўпавагуры сёння будзе ісландскі "Брэйдайблік" (пачатак у 22.00). У выпадку поспеху мінчанкі 7 верасня будуць змагацца за выхад у наступны этап з лепшай камандай пары "Айнтрахт" (Франкфурт, Германія) - "Спортынг" (Лісабон, Партугалія).
У мінулым сезоне абодва беларускія калектывы не змаглі прабіцца ў асноўны этап галоўнага жаночага клубнага турніру Еўропы. Спартсменкі "Дынама-БДУФК" спачатку разграмілі малдаўскі клуб "Агарыста" (9:0), а потым прайгралі нідэрландскаму "Аяксу" з Амстэрдама (0:3). Футбалісткі "Мінска" ўступілі нарвежскай камандзе "Валеранга" (1:3) і дацкаму "Брондбю" (1:2).
Пераможцам Лігі чэмпіёнаў трэці раз стала іспанская "Барселона", якая абыграла ў вырашальным паядынку французскі "Ліён" з лікам 2:0. У актыве "Ліёна" восем пераможных фіналаў ЛЧ, нямецкі "Франкфурт" браў трафей чатыры разы.-0-
Падпісвайцеся на нас у
