Сцяг Пятніца, 1 сакавіка 2024
Усе навіны
Усе навіны
Спорт
13 лютага 2023, 12:54

Беларускія фрыстайлісты заваявалі чатыры медалі на этапе Кубка чэмпіёнаў у Яраслаўлі

13 лютага, Мінск /Кар. БЕЛТА/. У спартыўным комплексе "Падоліна" ў Яраслаўскай вобласці завяршыўся другі этап міжнародных спаборніцтваў па лыжнай акрабатыцы "Кубак чэмпіёнаў", паведамляе карэспандэнт БЕЛТА.

Удзел у спаборніцтвах прынялі каля 40 лепшых фрыстайлістаў з Беларусі і Расіі. Па выніках асабістага турніру ў жанчын па подыум падняліся адразу дзве нашы спартсменкі: Ганна Дзяруга выйграла сярэбраны медаль, Настасся Андрыянава паказала трэці рэзультат. Акрамя таго, беларускі Любоў Піліпенка, Вера Малашкевіч і Валерыя Балматава занялі месцы з 4-га па 6-е.

Бронзавым прызёрам мужчынскіх індывідуальных спаборніцтваў стаў Макар Мітрафанаў, яшчэ адзін прадстаўнік нашай краіны Ігар Драбянкоў спыніўся на 5-й пазіцыі. Перамогі ў мужчынскім і жаночым турнірах атрымалі расіяне Станіслаў і Любоў Нікіціны. У камандных спаборніцтвах зборная Беларусь-1 у складзе Дзяругі, Мітрафанава і Драбянкова заваявала серабро, уступіўшы толькі першай камандзе Расіі.

На першым этапе Кубка чэмпіёнаў па лыжнай акрабатыцы, які праходзіў у пачатку месяца ў Краснаярску, беларускія фрыстайлісты выйгралі тры ўзнагароды: дзве сярэбраныя і адну бронзавую. Трэці этап міжнародных спаборніцтваў адбудзецца праз два тыдні ў Маскве.-0-

Падпісвайцеся на нас у
Twitter
Топ-навіны
Свежыя навіны Беларусі