8 лютага, Мінск /Кар. БЕЛТА/. Зборная Беларусі па лыжнай акрабатыцы заняла чацвёртае месца ў камандным турніры на чэмпіянаце свету па фрыстайле ў ЗША, паведамляе карэспандэнт БЕЛТА.
На спаборніцтвах у Дзір-Вэлі Максім Гусцік, Антон Кушнір і ўладальніца залатой узнагароды сусветнага форуму Аляксандра Раманоўская атрымалі ад суддзяў 272,15 бала.
Першае месца ў лыжных акрабатаў са Швейцарыі (Кэрал Бувард, Нікаля Жыга і Ной Рот) - 303,08 бала. На другую прыступку п'едэстала паднялася каманда з Кітая - 297,82 бала, бронзавыя ўзнагароды ў спартсменаў з Расіі - 296,74 бала.
Лепшыя лыжныя акрабаты прадоўжаць сезон выступленнямі на этапах Кубка свету: 16 лютага старты адбудуцца ў Маскве, а 23 лютага спаборніцтвы прыме спарткомплекс "Раўбічы".-0-
