7 лютага, Пекін /Кар. БЕЛТА/. Зборная Беларусі па фрыстайле сёння прыбыла ў алімпійскую вёску Чжанцзякоу, дзе пройдуць алімпійскія спаборніцтвы па лыжнай акрабатыцы, паведамляе карэспандэнт БЕЛТА.
Каманда прыбыла ў Кітай рэйсам са Стамбула. У яе складзе і алімпійская чэмпіёнка Пхёнчхана-2018 Ганна Гуськова. Разам з ёй на пекінскіх Гульнях-2022 выступяць Ганна Дзяруга, Станіслаў Гладчанка, Максім Гусцік, Павел Дзік, Макар Мітрафанаў. Барацьбу за ўзнагароды фрыстайлісты пачнуць 10 лютага з камандных спаборніцтваў у міксце. Жаночы турнір запланаваны на 13-14 лютага, мужчыны будуць спаборнічаць 15 і 16 лютага.
На шасці папярэдніх Алімпіядах беларускія лыжныя акрабаты заваявалі 7 узнагарод - 4 залатыя, 1 сярэбраную і 2 бронзавыя.-0-
