ДЗЯРЖОРГАНЫДЗЯРЖОРГАНЫ
Флаг Аўторак, 18 студзеня 2022
Мінск Пераменная воблачнасць -6°C
Усе навіны
Усе навіны
Спорт
06 снежня 2021, 11:39

Беларускія дэфлімпійцы выйшлі ў фінал чэмпіянату Еўропы па міні-футболе

Фота з архіва
Фота з архіва

6 снежня, Мінск /Кар. БЕЛТА/. Дэфлімпійская зборная Беларусі па міні-футболе прабілася ў фінальную стадыю чэмпіянату Еўропы, паведамляе карэспандэнт БЕЛТА.

У заключным паядынку кваліфікацыйнай групы F у грэчаскім Лаўрыяне са зборнай Даніі беларусам патрэбна была толькі перамога, і яны дабіліся яе, выйграўшы з рэзультатам 2:1. Галы ў складзе беларускай дружыны забілі Аляксандр Акенчыц і Сяргей Галушка, расказаў галоўны трэнер беларускай каманды Сяргей Сафонаў. У гэтым турніры беларусы таксама перамаглі гаспадароў спаборніцтваў грэкаў з буйным лікам 9:2, але ўступілі расіянам 0:4 і ў выніку занялі другое месца. Падагульняючае становішча: Расія - 9 ачкоў, Беларусь - 6, Данія - 3, Грэцыя - 0.

Акрамя беларусаў і расіян пуцёўкі ў фінал кантынентальнага першынства 2022 года ўжо заваявалі каманды Англіі і Славакіі. Уладальнікі астатніх пропускаў вызначацца пасля завяршэння кваліфікацыйных турніраў у астатніх групах: В - Швецыя, Чэхія, Уэльс, Азербайджан; С - Боснія і Герцагавіна, Польшча, Украіна, Харватыя; D - Бельгія, Нідэрланды, Швейцарыя, Ірландыя; Е - Іспанія, Балгарыя, Шатландыя.

Фінальны турнір 6-га дэфлімпійскага чэмпіянату Еўропы па міні-футболе пройдзе з 13 па 22 кастрычніка 2022 года ў італьянскім г. Мантэсільвана.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі