Беларускія біятланісты выступяць на студзеньскай "Гонцы чэмпіёнаў" у Разані

5 снежня, Мінск /Кар. БЕЛТА/. Арганізатары "Гонкі чэмпіёнаў" назвалі біятланістаў, якія прымуць удзел у спаборніцтвах у Разані 4-5 студзеня 2025 года, паведамляе БЕЛТА са спасылкай на прэс-службу Саюза біятланістаў Расіі.

Фармат першага турніру прадугледжвае спаборніцтвы паміж вядучымі лыжнікамі і біятланістамі з Беларусі і Расіі. У навагоднія канікулы на трасе ў Разані выступяць нашы Ганна Сола, Дзмітрый Лазоўскі, Антон і Дзінара Смольскія, а таксама расіяне Антон Бабікаў, Кірыл Бажын, Яўген Емярхонаў, Эдуард Латыпаў, Аляксандр Логінаў, Аляксандр Паварніцын, Васіль Томшын, Карым Халілі, Настасся Грышына, Тамара Дзербушава, Ірына Казакевіч, Хрысціна Разцова, Вікторыя Сліўко, Настасся Халілі, Настасся Шаўчэнка і Наталля Шаўчэнка.

Склад лыжнікаў будзе аб'яўлены ў бліжэйшы час. У першы дзень спаборніцтваў пройдуць чатыры кваліфікацыйныя гонкі з раздзельным стартам у біятланістак, біятланістаў, лыжніц і лыжнікаў. Па выніках заездаў будуць сфарміраваны 10 эстафетных каманд, у кожную з якіх увойдуць па чатыры прадстаўнікі абодвух відаў спорту і полаў. На наступны дзень квартэты пазмагаюцца за прызавыя "Гонкі чэмпіёнаў" у памеры 12 млн расійскіх рублёў.-0-