9 чэрвеня, Мінск /Кар. БЕЛТА/. Баскетбалісты нацыянальнай зборнай Беларусі правядуць у Маскве першы з двух таварыскіх матчаў з камандай Расіі, паведамляе карэспандэнт БЕЛТА.
Перад прыездам у расійскую сталіцу падапечныя Расціслава Вергуна няўдачна правялі два гасцявыя спарынгі з казахстанскай "Астаной", пацярпеўшы два паражэнні. У Маскве ў складзе беларускай каманды згуляюць Максім Салаш ("Пары Ніжні Ноўгарад", Расія), Яўген Белянкоў ("Енісей", Краснаярск, Расія), Аляксандр Семянюк ("Дынама", Уладзівасток, Расія), Уладзіслаў Блізнюк, Данііл Барысевіч, Данііл Каско, Уладзіслаў Мікульскі, Раман Шчарбакоў, Арцём Секушэнка, (усе - "МІНСК"), Дзмітрый Куратнік, Кірыл Вінакураў (абодва - "Гродна-93"), Руслан Пішчэйка ("Рубон", Віцебск).
На думку Расціслава Вергуна, беларускім баскетбалістам будзе вельмі цікава і карысна сустрэцца з такім моцным сапернікам, як зборная Расіі. У гэтых матчах трэнерскі штаб зможа ацаніць узровень гатоўнасці каманды і праверыць у справе маладых ігракоў.
Першы матч адбудзецца на пляцоўцы маскоўскага "Баскет Хола" сёння ў 18.00.
Паўторны паядынак пройдзе там же 11 чэрвеня ў 15.00.
На наступным тыдні на пляцоўцы "Баскет Хола" жаночыя нацыянальная і маладзёжная зборныя Беларусі сустрэнуцца з расійскімі баскетбалісткамі.-0-
