11 лістапада, Мінск /Кар. БЕЛТА/. Сёння на баскетбольных арэнах Старога Свету адбудуцца стартавыя сустрэчы адборачнага турніру жаночага чэмпіянату Еўропы 2023 года. Баскетбалісткі зборнай Беларусі свой першы паядынак у кваліфікацыйнай групе І правядуць у Празе супраць каманды Чэхіі, паведамляе карэспандэнт БЕЛТА.
Да старту еўракваліфікацыі пад кіраўніцтвам галоўнага трэнера Наталлі Трафімавай у Мінску рыхтаваліся 16 баскетбалістак:
Вікторыя Гаспер, Настасся Верамеенка, Яніна Інкіна, Юлія Васілевіч, Вольга Зюзькова, Юлія Рыцікава, Паліна Касцюкавец (усе - "Гарызонт", Мінская вобласць), Алекс Бентлі, Марыя Папова (абедзве - УГМК, Екацярынбург, Расія), Аляксандра Тарасава ("Гановер", Германія), Марына Івашчанка ("Геліяс", Швейцарыя), Алёна Карасевіч ("Трыумф Баташані", Румынія), Ганна Брыч ("Элязыг", Турцыя), Арына Масько ("Волагда-Чаваката", Расія), Дар'я Магаляс ("Цмокі-Мінск"), Кацярына Новік ("Вікторыя", Гродна).
Адзін з лідараў беларускай дружыны Таццяна Ліхтаровіч (ESCH, Люксембург) далучылася да каманды ў Чэхіі.
Таксама сёння ў гэтым квартэце баскетбалісткі Нідэрландаў прымуць у Амстэрдаме зборную Ірландыі. Пасля вяртання з чэшскай сталіцы беларускі ў другім туры 14 лістапада ў мінскім Палацы спорту сустрэнуцца з нідэрландскімі спартсменкамі.
Адборачныя матчы завершацца 12 лютага 2023 года. Пуцёўкі ў фінальную стадыю атрымаюць пераможцы дзесяці груп і чатыры лепшыя каманды, якія фінішуюць другімі. Фінальная частка 39-га па ліку жаночага Еўрабаскета з удзелам 16 каманд пройдзе летам 2023 года ў Славеніі і Ізраілі.-0-
