12 ліпеня, Мінск /Кар. БЕЛТА/. Баскетбалісткі маладзёжнай зборнай Беларусі (U-20) з перамогай завяршылі папярэдні этап у другім дывізіёне чэмпіянату Еўропы, які праходзіць у румынскім Арадзе, паведамляе карэспандэнт БЕЛТА.
У сённяшняй гульні з камандай Ісландыі падапечныя Вольгі Падабед разграмілі саперніц з лікам 84:39. Раней беларускія баскетбалісткі перамаглі равесніц з Даніі - 75:73, Балгарыі - 90:70 і Турцыі - 74:57, але прайгралі камандзе Чэхіі - 58:65.
З папярэдняй групы В барацьбу за выхад у элітны дывізіён прадоўжаць зборныя Чэхіі і Беларусі, з групы А - Літвы і Румыніі. У суботу, 14 ліпеня, адбудуцца паўфіналы, пераможцы паўфінальных сустрэч 15 ліпеня правядуць матч за 1-е месца, тыя, хто прайграў, паспрачаюцца за 3-ю падагульняючую пазіцыю. У элітны дывізіён трапяць тры лепшыя каманды.
Па такой жа сістэме ў балгарскай Сафіі пройдзе турнір у другім дывізіёне мужчынскага маладзёжнага першынства Старога Свету. Беларуская зборная пад кіраўніцтвам галоўнага трэнера Віталя Маклакова на першым этапе згуляе ў групе А супраць равеснікаў з Бельгіі (13 ліпеня), Азербайджана (14 ліпеня), Латвіі (17 ліпеня) і Македоніі (18 ліпеня). У чвэрцьфінал выйдуць па дзве лепшыя дружыны з чатырох папярэдніх груп. Тройка ўладальнікаў пуцёвак у элітны дывізіён вызначыцца ў балгарскай сталіцы 22 ліпеня.-0-
