4 лютага, Мінск /Кар. БЕЛТА/. У індыйскай Пуне стартаваў мужчынскі тэнісны турнір з прызавым фондам $546 тыс., у якім выступаюць 3 прадстаўнікі Беларусі, паведамляе карэспандэнт БЕЛТА.
Першым з іх на корт выйшаў Ягор Герасімаў (90-ы нумар сусветнага рэйтынгу), які ў 1/16 фіналу адзіночнага разраду перамог у двух сэтах італьянскага тэнісіста Паола Ларэнцы (115) - 6:2, 6:3.
Таксама сёння свой стартавы паядынак правядзе Ілья Івашка (152), сапернікам якога будзе расіянін Яўген Данской (109).
Заўтра ў першым раўндзе парнага разраду беларус Андрэй Васілеўскі і ізраільцянін Ёнатан Эрліх сустрэнуцца з аўстралійскім дуэтам Джэймс Дакварт / Мэт Рыд.
Спаборніцтвы ў Пуне завершацца 9 лютага.-0-
