12 сакавіка, Мінск /Кар. БЕЛТА/. Беларускі тэнісіст Ілья Івашка (41-ы нумар сусветнага рэйтынгу) не зможа выступіць на турніры ў амерыканскім Індыян-Уэлсе з прызавым фондам $8,5 млн, паведамляе карэспандэнт БЕЛТА.
У 1/64 фіналу беларус павінен быў згуляць з немцам Янам-Ленардам Штруфам (58), але незадоўга да старту зняўся з турніру. Аўстралійскі тэнісіст Джон Мілман (77), які замяніў яго, абыграў Штруфа ў дзвюх партыях - 7:6 (8:6), 6:4.
На жаночым турніры ў Індыян-Уэлсе з прызавым фондам $8,3 млн беларуская тэнісістка Аляксандра Сасновіч (59) у першым раўндзе была мацнейшай за калумбійскую тэнісістку Марыю-Камілу Асарыа-Серана (35). Першую партыю Аляксандра Сасновіч выйграла з лікам 6:4, у другім сэце вяла 5:0, пасля чаго саперніца вырашыла не прадаўжаць гульню. У другім раўндзе Аляксандра Сасновіч сустрэнецца з чэшскай тэнісісткай Петрай Квітавай (31). Яшчэ дзве беларускі пачнуць выступленні з другога раўнда. Трэцяя ракетка планеты Арына Сабаленка згуляе з італьянскай тэнісісткай Ясмін Пааліні (46), саперніцай Вікторыі Азаранка (15) будзе прадстаўніца Аўстраліі Астра Шарма (96).
Спаборніцтвы ў Індыян-Уэлсе завершацца 20 сакавіка.-0-
