ДЗЯРЖОРГАНЫДЗЯРЖОРГАНЫ
Флаг Нядзеля, 3 ліпеня 2022
Мінск Суцэльная воблачнасць +26°C
Усе навіны
Усе навіны
Спорт
22 красавіка 2022, 10:51

Беларускі тэнісіст Ілья Івашка прайграў у 1/16 фіналу турніру ў Барселоне

Ілья Івашка. Фота з архіва
Ілья Івашка. Фота з архіва

22 красавіка, Мінск /Кар. БЕЛТА/. Беларускі тэнісіст Ілья Івашка (44-ы нумар сусветнага рэйтынгу) завяршыў выступленне на турніры катэгорыі АТР-500 у іспанскай Барселоне з прызавым фондам 2,6 млн еўра, паведамляе карэспандэнт БЕЛТА.

У матчы 1/16 фіналу беларус уступіў пятай ракетцы свету грэку Стэфанасу Цыцыпасу - 1:6, 6:4, 2:6. У барацьбе за выхад у чвэрцьфінал Цыцыпас сустрэнецца з балгарскім тэнісістам Грыгарам Дзімітравым (23). На старце спаборніцтваў у каталонскай сталіцы Ілья Івашка перамог іспанца Педра Марцінеса (43) - 6:4, 7:6 (7:4).

Яшчэ адзін беларускі тэнісіст Ягор Герасімаў (155) пасля стартавай вікторыі над французам Адрыянам Манарына (68) прайграў у другім крузе дзясятаму нумару сусветнага рэйтынгу брытанцу Кэмерану Норы - 7:5, 4:6, 4:6.

Лепшая беларуская тэнісістка, чацвёртая ракетка планеты Арына Сабаленка ў паядынку 1/8 фіналу жаночага турніру ў нямецкім Штутгарце з прызавым фондам $757 тыс. перамагла прадстаўніцу Канады Б'янку Андрэеску (121) - 6:1, 3:6, 6:2. У чвэрцьфінале парнага разраду беларуска і іспанка Паула Бадоса павінны былі сустрэцца з амерыканска-кітайскім тандэмам Коры Гаўф / Чжан Шуай, але вырашылі не гуляць і засяродзіцца на адзіночных спаборніцтвах. У першым раўндзе Сабаленка і Бадоса перамаглі аўстралійска-туніскі дуэт Элен Перэс / Унс Джабір - 7:5, 7:5.

На турніры ў Стамбуле з прызавым фондам $251 тыс. беларуска Лідзія Марозава і амерыканка Кейтлін Крысціян у матчы за выхад у паўфінал уступілі расійскай пары Каміла Рахімава / Натэла Дзаламідзэ - 5:7, 3:6. У 1/8 фіналу Марозава і Крысціян выйгралі ў амерыкана-французскага тандэма Інгрыд Ніл / Эліксан Лечэмія - 6:4, 6:3.

Спаборніцтвы ў Барселоне, Штутгарце і Стамбуле фінішуюць 24 красавіка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі