27 верасня, Мінск /Кар. БЕЛТА/. Беларускі тэнісіст Ілья Івашка (71-ы нумар сусветнага рэйтынгу) прабіўся ў другі раўнд турніру катэгорыі АТР-250 у Сафіі з прызавым фондам 534,5 тыс. еўра, паведамляе карэспандэнт БЕЛТА.
У 1/16 фіналу беларус адолеў у трохсэтавым паядынку прадстаўніка Швецыі Мікаэля Імера (94) - 7:6 (10:8), 4:6, 7:5. Сустрэча прадаўжалася 3 гадзіны 23 мінуты. У барацьбе за выхад у чвэрцьфінал Ілья Івашка сустрэнецца з балгарскім тэнісістам Грыгорам Дзімітравым (23).
Спаборніцтвы на хардавых кортах Аrena Armeec у балгарскай сталіцы завершацца 2 кастрычніка.-0-
