3 кастрычніка, Мінск /Кар. БЕЛТА/. Беларускія спартсменкі сёння дэбютавалі на маладзёжным (U-23) чэмпіянаце свету па баскетболе 3х3 у кітайскім Сіані, паведамляе карэспандэнт БЕЛТА.
У стартавым паядынку папярэдняй групы В беларускі ва ўпартай барацьбе ўступілі камандзе Нідэрландаў з розніцай у адно ачко - 11:12. У другім матчы нашы дзяўчаты згулялі больш паспяхова, перамогшы равесніц з Інданезіі з лікам 19:15. Заўтра беларуская каманда адпачывае, а 5 кастрычніка правядзе два заключныя матчы першага этапу супраць зборных Казахстана і Украіны. Украінки сёння выйгралі ў галандак - 16:14, а казахстанскія спартсменкі ўступілі інданезійкам - 12:15. Пад кіраўніцтвам трэнера Юрыя Волка ў складзе зборнай Беларусі гуляюць Арына Масько, Настасся Сушчык, Ганна Лапо і Сабіра Агаева.
Пасля завяршэння групавога этапу ў плэй-оф выйдуць па дзве лепшыя каманды з 5 кваліфікацыйных квінтэтаў. Сусветнае першынство фінішуе 7 кастрычніка.
Баскетбол 3х3 набірае ўсё большую папулярнасць у свеце і ў 2019 годзе ўвойдзе ў праграму II Еўрапейскіх гульняў у Мінску.-0-