2 лістапада, Мінск /Кар. БЕЛТА/. Беларускі хакеіст Аляксей Протас дэбютаваў у НХЛ за "Вашынгтон Кэпіталз", паведамляе карэспандэнт БЕЛТА.
Аднак з'яўленне на лёдзе экс-іграка мінскага "Дынама" не дапамагло яго камандзе атрымаць перамогу над дзеючымі ўладальнікамі Кубка Стэнлі "Тампа-Бэй Лайтнінг".
"Маланкі" святкавалі валявую вікторыю з лікам 3:2 (0:1, 2:0, 1:1). У пераможцаў шайбы на рахунку Алекса Кіларна, Энтані Сірэлі і Брэйдэна Пойнта. За "Сталічных" закідвалі Брэт Лісан і Конар Шыры.
Аляксей Протас, які выйшаў на лёд пад нумарам 59, запісаў на свой рахунак амаль чатыры мінуты гульнявога часу і рэзультатыўнымі дзеяннямі не вызначыўся.-0-
