31 ліпеня, Токіа /Кар. БЕЛТА/. Беларускі батутыст Іван Літвіновіч 31 ліпеня выйграў золата Алімпіяды ў Токіа, паведаміў карэспандэнт БЕЛТА.
Па меры набліжэння выступленняў беларусаў напружанне нарастала. Вопытнейшы кітаец Дон Дон, у медальным багажы якога ўжо ёсць узнагароды галоўных стартаў чатырохгоддзя, зарабіў ад суддзяў ацэнку 61,236 бала, упэўнена ўзначаліўшы чаргу прэтэндэнтаў на перамогу. Добра выступіў і новазеландзец Дзілан Шміт (60,675).
Уладзіслаў Ганчароў атрымаў ацэнку 60,565 бала, заняўшы трэцяе прамежкавае месца.
Апошнім выступаў Іван Літвіновіч. Ён зарабіў 61,715 бала і стаў алімпійскім чэмпіёнам. Уладзіслаў Ганчароў перамясціўся на 4-е месца ў падагульняючым пратаколе.-0-
