2 чэрвеня, Мінск /Кар. БЕЛТА/. Беларускі баскетбаліст Віталь Лютыч перайшоў з "Цмокі-Мінск" у расійскую "Самару", паведамляе карэспандэнт БЕЛТА.
У мінулым сезоне Віталь Лютыч у складзе мінскіх "драконаў" правёў 16 матчаў у Адзінай лізе ВТБ і 13 гульняў у розыгрышы Кубка ФІБА-Еўропа. Раней 28-гадовы форвард выступаў за мінскі "Віталюр", літоўскі "Шаўляй", эстонскі "Калеў" з Таліна і расійскі "Енісей" з Краснаярска. У складзе "драконаў" ён 4 разы станавіўся чэмпіёнам Беларусі, разам з "Калевам" заваяваў золата эстонскага першынства Баскетбалісты "Самары" ў сезоне 2018/2019 сталі пераможцамі расійскай Суперлігі.
На мінулым тыдні кантракты з мінскімі "Цмокамі" прадоўжылі Уладзімір Верамеенка, Аляксей Трасцянецкі і Яўген Белянкоў.-0-
