29 чэрвеня, Мінск /Кар. БЕЛТА/. Беларускі спартсмен Дзмітрый Асанаў (вагавая катэгорыя 60 кг) стаў чэмпіёнам турніру па боксе II Еўрапейскіх гульняў, паведамляе карэспандэнт БЕЛТА.
Паспяхова прайшоўшы адборачныя баі, беларус у паўфінале адолеў армянскага баксёра Карэна Танаканяна. У схватцы за залатую ўзнагароду ён быў мацнейшы за расіяніна Габіла Мамедава.
На I Еўрапейскіх гульнях у Баку Дзмітрый Асанаў стаў другім.
На рынг Палаца спорту "Уручча" 30 чэрвеня выйдзе беларус Уладзіслаў Смяглікаў (91 кг), які пазмагаецца за золата з расіянінам Муслімам Гаджымагамедавым.
Удзел у турніры прымаюць 316 баксёраў (мужчыны, жанчыны), яны спаборнічаюць за 15 камплектаў медалёў. Завершацца спаборніцтвы заўтра, 30 чэрвеня.-0-
Фота Максіма Гучака