ДЗЯРЖОРГАНЫДЗЯРЖОРГАНЫ
Флаг Нядзеля, 4 снежня 2022
Мінск Суцэльная воблачнасць -5°C
Усе навіны
Усе навіны
Спорт
18 мая 2022, 16:48

Беларуская тэнісістка Юлія Гатоўка не трапіла ў асноўную сетку адкрытага чэмпіянату Францыі

Юлія Гатоўка. Фота  pressball.by/
Юлія Гатоўка. Фота pressball.by/

18 мая, Мінск /Кар. БЕЛТА/. Беларуская тэнісістка Юлія Гатоўка не здолела прайсці ў асноўную сетку другога ў сезоне турніру серыі "Вялікага шлема" - адкрытага чэмпіянату Францыі, паведамляе карэспандэнт БЕЛТА.

У другім матчы кваліфікацыі беларуска, якая займае 218-е месца ў сусветным рэйтынгу, уступіла 18 мая японскай тэнісістцы Наа Хібіна, у якой 215-я пазіцыя, - 6:7 (7:9), 2:6. У стартавым паядынку Гатоўка перамагла яшчэ адну японку Маі Хонтама (134) - 6:4, 5:7, 6:4.

Таксама сёння ў мужчынскім турніры беларус Ягор Герасімаў (150) у другім кваліфікацыйным раўндзе прайграў венгерскаму тэнісісту Жамбору Пірашу (189) - 4:6, 4:6. У першым крузе Герасімаў выйграў у трохсэтавым паядынку ў серба Ніколы Мілоевіча (162) - 7:5, 2:6, 6:2.

Без удзелу ў кваліфікацыі на парыжскіх кортах "Ралан Гарос" выступяць чатыры прадстаўнікі Беларусі - Арына Сабаленка (7), Вікторыя Азаранка (15), Аляксандра Сасновіч (45) і Ілья Івашка (50). Асноўны этап французскага першынства пачнецца 22 мая, а завершыцца 5 чэрвеня.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі