13 студзеня, Мінск /Кар. БЕЛТА/. Беларуская тэнісістка Ірына Шымановіч стала чвэрцьфіналісткай турніру ITF у Тунісе, паведамляе карэспандэнт БЕЛТА.
У 1/8 фіналу беларуска, якая займае 239-е месца ў сусветным рэйтынгу, 12 студзеня перамагла ў дзвюх партыях грэчаскую тэнісістку Сапфо Сакеларыдзі, у якой 307-я пазіцыя, - 6:3, 7:5. У паядынку за выхад у паўфінал саперніцай Шымановіч будзе японка Сакура Хасогі (302-гі нумар рэйтынгу WTA). Да гэтага беларуска выйграла ў сербкі Лолы Радзівоевіч (349). У парным разрадзе Ірына Шымановіч і расіянка Алёна Фаміна прабіліся ў паўфінал, перамогшы расійска-туніскі тандэм Мілана Жабраілава / Шыраз Бехры - 5:7, 6:4, 10:4.
Яшчэ адна беларуская тэнісістка Юлія Гатоўка (303) у трохсэтавым паядынку 1/8 фіналу ўступіла францужанцы Аліс Тубела (458) - 6:4, 4:6, 3:6.
Спаборніцтвы ў Тунісе завершацца 15 студзеня.-0-
