14 кастрычніка, Мінск /Кар. БЕЛТА/. Беларуская тэнісістка Арына Сабаленка прабілася ў чвэрцьфінал турніру катэгорыі WTA-500 у амерыканскім Сан-Дыега з прызавым фондам $757 тыс., паведамляе карэспандэнт БЕЛТА.
Мінулай ноччу пятая ракетка планеты ў 1/8 фіналу ўзяла верх над амерыканкай Слоан Стывенс (52-і нумар сусветнага рэйтынгу) - 1:6, 6:3, 6:2. Сустрэча прадаўжалася 2 гадзіны 2 мінуты. У чвэрцьфінале саперніцай Арыны Сабаленка будзе харвацкая тэнісістка Дона Векіч (77).
На старце парнага разраду беларуска Аляксандра Сасновіч і казахстанская тэнісістка Ганна Даніліна ўступілі ў трохсэтавым матчы амерыкана-нідэрландскаму тандэму Дэзірэ Краўчык / Дэмі Схюрс - 6:1, 4:6, 4:10.
Спаборніцтвы ў Сан-Дыега завершацца 16 кастрычніка.-0-
