Сцяг Субота, 13 красавіка 2024
Усе навіны
Усе навіны
Спорт
13 сакавіка 2023, 10:26

Беларуская тэнісістка Арына Сабаленка выйшла ў 1/8 фіналу турніру ў Індыян-Уэлсе

13 сакавіка, Мінск /Кар. БЕЛТА/. Беларуская тэнісістка Арына Сабаленка без барацьбы выйшла ў 1/8 фіналу турніру катэгорыі WTA-1000 у амерыканскім Індыян-Уэлсе з прызавым фондам $8,8 млн, паведамляе карэспандэнт БЕЛТА.

У трэцім раўндзе другая ракетка планеты павінна была сустрэцца з украінкай Лесяй Цурэнка (95-ы нумар сусветнага рэйтынгу), але саперніца знялася з турніру. У 1/32 фіналу Сабаленка перайграла ў двух сэтах расійскую тэнісістку Яўгенію Родзіну (427) - 6:2, 6:0, а ў паядынку за выхад у чвэрцьфінал будзе сапернічаць з чэшкай Барбарай Крэйчыкавай (16).

У спаборніцтвах мужчын беларускі тэнісіст Ілья Івашка (85) у 1/16 фіналу ўступіў у трохсэтавым паядынку расіяніну Даніілу Мядзведзеву (6) - 2:6, 6:3, 1:6. Да гэтага Івашка перамог расіяніна Рамана Сафіуліна (113), а затым аказаўся мацнейшым за нідэрландскага тэнісіста Боціка ван дэ Зандсхюлпа (33).

Турнір у Індыян-Уэлсе фінішуе 19 сакавіка.-0-

Падпісвайцеся на нас у
Twitter
Топ-навіны
Свежыя навіны Беларусі