24 лютага, Мінск /Кар. БЕЛТА/. Беларуская тэнісістка Арына Сабаленка выйшла ў чвэрцьфінал турніру ў горадзе Доха з прызавым фондам $2,3 млн, паведамляе карэспандэнт БЕЛТА.
23 лютага ў 1/8 фіналу другая ракетка свету абыграла швейцарку Жыль Тайхман (41-ы нумар сусветнага рэйтынгу) - 6:2, 6:1. Сустрэча прадаўжалася 1 гадзіну 5 хвілін. У 1/16 фіналу Арына Сабаленка ўпэўнена перамагла францужанку Алізэ Карнэ (37) і выйграла ў двух сэтах - 6:2, 6:2. У матчы за тое, каб трапіць у паўфінал, беларуска сустрэнецца з пераможцай матчу паміж расійскай тэнісісткай Дар'яй Касаткінай (28) і полькай Ігай Свёнтак (8).
Яшчэ адна беларуская тэнісістка Аляксандра Сасновіч (61) у 1/32 фіналу разграміла кітаянку Чжан Шуай (66) - 6:1, 6:1, а потым прайграла туніскай тэнісістцы Унс Джабір - 6:1, 5:7, 4:6. Сасновіч прабілася ў асноўную сетку праз кваліфікацыю, перамогшы румынку Ану Богдан (101) - 6:1, 6:1 і бельгійку Кірстэн Фліпкенс (324) - 6:3, 6:2. У першым раўндзе парнага разраду Аляксандра Сасновіч і ўкраінка Марта Касцюк выйгралі ў румынска-славацкага тандэма Ірына Барэ / Крысціна Куцова - 7:6 (7:3), 6:2 а ў 1/8 фіналу ўступілі бельгійска-расійскаму дуэту Вераніка Кудзярметава / Элізэ Мертэнс - 0:6, 4:6.
Экс-першая ракетка свету Вікторыя Азаранка (16) у першым раўндзе адзіночнага разраду перамагла прадстаўніцу Казахстана Юлію Пуцінцаву (42) - 5:7, 6:2, 7:5, а потым не змагла прадоўжыць выступленне з-за траўмы.
Спаборніцтвы ў катарскай сталіцы завершацца 26 лютага.-0-
