Беларуская шаблістка Арцюшанка ўвайшла ў топ-20 на юніёрскім чэмпіянаце свету ў Кітаі

8 красавіка, Мінск /Кар. БЕЛТА/. Беларускія спартсмены пачалі выступленні на чэмпіянаце свету па фехтаванні сярод юніёраў у кітайскім Усі, паведамляе карэспандэнт БЕЛТА.

Першыя камплекты ўзнагарод планетарнага форуму разыгралі юныя шаблісты і шаблісткі. У турніры дзяўчат да 17 гадоў наша Вікторыя Арцюшанка атрымала тры перамогі ў шасці паядынках групавога этапу, на стадыі плэй-оф абышла прадстаўніц Сінгапура, Украіны і Грузіі, але на стадыі 1/8 фіналу ўступіла Ян Шухань з Ганконга. У агульнай табліцы Арцюшанка заняла 16-е месца сярод 99 спартсменак, таксама ўдзел у турніры прынялі беларускі Дар'я Пратасевіч і Марта Пуцята.

У спаборніцтвах юніёраў не старэйшых за 20 гадоў нашы Канстанцін Гаўрусік і Раман Грушавец дайшлі да 1/32 фіналу. У гэтай жа ўзроставай катэгорыі ў юніёрак Уладзіслава Сідзельнікава перамагла пяцярых саперніц з шасці на папярэднім этапе.

Заўтра фехтавальшчыкі на шаблях вызначаць лепшых у камандных турнірах. Рапірысты правядуць барацьбу за медалі з 10 па 12 красавіка, праграму чэмпіянату свету ў Кітаі з 13 па 15 красавіка завершаць спаборніцтвы шпажыстаў.-0-