17 лютага, Пекін /Кар. БЕЛТА/. Беларуская канькабежка Ганна Ніфантава не зможа сёння выступіць на алімпійскай дыстанцыі 1000 м, паведамілі БЕЛТА ў прэс-службе НАК Беларусі.
"Учора на трэніроўцы траўміравала калена, якое мяне раней непакоіла крыху. З нашым урачом з'ездзілі ў шпіталь, дзе мне зрабілі МРТ і паставілі дыягназ - надрыў меніска. З такой траўмай прадаўжаць выступленні ў Пекіне немагчыма. Мне шкада, што не выйду на "тысячу", але я вымушана цяпер вярнуцца ў Мінск і заняцца лячэннем", - сказала Ганна Ніфантава.
Яна ацаніла сваё выступленне на дэбютных Гульнях, адзначыўшы, што паказала нядрэнны вынік па часе на дыстанцыі 500 м: "Прабегла па тых секундах, па якіх бегла у сезоне. Наогул Алімпійскія гульні - гэта вельмі маштабная і грандыёзная падзея, у многіх атлетаў яна бывае толькі адзін раз за кар'еру, але, спадзяюся, я яшчэ выступлю і пакажу свой максімум".
Сёння на лёд канькабежнага авала выйдзе беларуская спартсменка Кацярына Слоева, у чацвёртым забегу яе саперніцай будзе чэмпіёнка свету з Нарвегіі Рагне Віклунд.-0-