Сцяг Субота, 20 красавіка 2024
Усе навіны
Усе навіны
Спорт
14 лютага 2024, 11:00

Беларуская канькабежка Дамарацкая заваявала бронзу Усерасійскай спартакіяды на дыстанцыі 500 м 

Ганна Дамарацкая. Фота з архіва Беларускага саюза канькабежцаў
Ганна Дамарацкая. Фота з архіва Беларускага саюза канькабежцаў
14 лютага, Мінск /Кар. БЕЛТА/. У Чэлябінску стартавалі спаборніцтвы па канькабежным спорце ў рамках ІІ Усерасійскай спартакіяды мацнейшых спартсменаў па зімовых відах спорту 2024 года, паведамляе карэспандэнт БЕЛТА.

Праграму турніру канькабежцаў адкрылі забегі на 500 м у жанчын. Першая ж дысцыпліна прынесла нашай камандзе медаль - бронзу заваявала Ганна Дамарацкая, якая паказала рэзультат 38,67 сек. Усяго на пяць сотых секунды час беларускі перасягнула прызёр Алімпійскіх гульняў у Пекіне ў гэтым відзе Ангеліка Голікава з Масквы. Чэмпіёнкай спартакіяды стала прадстаўніца Ніжагародскай вобласці Дар’я Качанава (38,26 сек.).

Далей у раскладзе 14 лютага розыгрыш узнагарод на аналагічнай дыстанцыі ў мужчын, а таксама жаночыя забегі на 3000 м і мужчынскія на 5000 м. Заўтра спартсмены вызначаць мацнейшых на 1000 м і ў камандных гонках; у пятніцу адбудуцца спаборніцтвы на дыстанцыі 1500 м; 17 лютага дзяўчаты будуць бегчы 5 км, а мужчыны 10 км; завершаць праграму турніру ў канькабежцаў мас-старты ў нядзелю.

Усяго зімовая Усерасійская спартакіяда мацнейшых спартсменаў сабрала больш за 2,5 тыс. атлетаў, якія спаборнічаюць у 16 алімпійскіх відах спорту. Гэта біятлон, бабслей, скелетон, гарналыжны спорт, кёрлінг, канькабежны спорт, шорт-трэк, лыжныя гонкі, лыжнае дваябор’е, скачкі на лыжах з трампліна, санны спорт, скі-альпінізм, снаўбордынг, фігурнае катанне, фрыстайл і хакей. Спаборніцтвы прадоўжацца па 18 лютага.-0-
Падпісвайцеся на нас у
Twitter
Топ-навіны
Свежыя навіны Беларусі