Беларуская гарналыжніца Шканава стала другой на прафесійных спаборніцтвах у Алтайскім краі

6 лютага, Мінск /Кар. БЕЛТА/. У горадзе Белакурыха Алтайскага края адбыўся чарговы старт у рамках прафесійных спаборніцтваў па гарналыжным спорце "Серыя PRO", паведамляе карэспандэнт БЕЛТА.

На подыум спаборніцтваў у слаламе другі раз у сезоне "Серыі PRO" паднялася мацнейшая гарналыжніца Беларусі Марыя Шканава. На першай трасе наша спартсменка паказала другі час, толькі шэсць сотых секунды уступіўшы Віталіне Гірынай з Маскоўскай вобласці. Наступны заезд беларуска таксама завяршыла з другім рэзультатам, але на гэты раз перавага Гірынай склала ўжо больш за секунду. Такім чынам, Шканава стала ўладальніцай серабра па суме дзвюх спроб, тройку лепшых замкнула Вераніка Цупікава з Алтайскага края, якую Марыя абышла на паўсекунды.

Першы этап у слаламе ў рамках прафесійных спаборніцтваў "Серыя PRO" адбыўся ў лістападзе ў Кіраўску, тады Шканава таксама заняла другое месца. Акрамя таго, у актыве нашай спартсменкі чатыры выхады на подыум на этапах Кубка Расіі па гарналыжным спорце. Наступны этап Кубка адбудзецца ў горадзе Белакурыха ўжо заўтра, а 15 лютага жанчыны будуць вызначаць мацнейшых у слаламе на Усерасійскай Спартакіядзе мацнейшых у Кусе Чэлябінскай вобласці.-0-