30 мая, Мінск /Кар. БЕЛТА/. Беларуская спартсменка Вольга Сілкіна стала пераможцай другога этапу міжнароднага турніру па сучасным пяцібор'і "Кубак Паўла Ляднёва", паведамляе карэспандэнт БЕЛТА.
Другі этап Кубка Ляднёва з удзелам беларускіх спартсменаў прайшоў на выхадных у Маскве ў рамках адкрытага чэмпіянату Расіі. У фінале жаночага турніру Вольга Сілкіна набрала 1368 балаў, Сафія Казлова з Масквы, якая ўступіла нашай спартсменцы 10 ачкоў, заняла другое месца. Бронза дасталася яшчэ адной прадстаўніцы сталіцы Расіі Ганне Бурак (1354).
Такім чынам, на рахунку Сілкінай ужо дзве залатыя ўзнагароды Кубка Ляднёва - у пачатку мая Вольга стала пераможцай дэбютнага этапу спаборніцтваў у Мінску. Раней вікторыю на "маскоўскай" стадыі турніру атрымаў беларус Ілья Палазкоў.-0-
