24 студзеня, Мінск /Кар. БЕЛТА/. Беларуская тэнісістка Вікторыя Азаранка (24-ы нумар сусветнага рэйтынгу) выйшла ў паўфінальную стадыю адкрытага чэмпіянату Аўстраліі, паведамляе карэспандэнт БЕЛТА.
Сёння ў другім чвэрцьфінале беларуска абыграла ў дзвюх партыях трэцюю ракетку планеты амерыканскую тэнісістку Джэсіку Пегулу - 6:4, 6:1. У паўфінале саперніцай Азаранка будзе прадстаўніца Казахстана Алена Рыбакіна (25), якая выйграла ў латвійскай тэнісісткі Алены Астапенка (17) - 6:2, 6:4. На гэтым турніры Вікторыя Азаранка перамагла прадстаўніц ЗША Сафію Кенін (203) і Мэдзісан Кіз (13), а таксама аргенцінскую тэнісістку Надзю Падарошка (191) і кітаянку Лін Чжу (87). Азаранка двойчы станавілася пераможцай Australian Open - у 2012 і 2013 гадах.
Заўтра пятая ракетка свету беларуска Арына Сабаленка ў паядынку за выхад у паўфінал сустрэнецца з харвацкай тэнісісткай Доннай Векіч (64). Яшчэ ў адным чвэрцьфінале полька Магда Лінет (45) будзе спаборнічаць з чэшкай Каралінай Плішкавай (31). На шляху да свайго першага чвэрцьфіналу аўстралійскага першынства Арына Сабаленка выйграла ў чэшкі Тэрэзы Марцінцавай (74), амерыканкі Шэлбі Роджэрс (51), бельгійкі Элізэ Мертэнс (32) і алімпійскай чэмпіёнкі швейцарскай тэнісісткі Белінды Бенчыч (10).
У 1/8 фіналу парнага разраду беларуская тэнісістка Аляксандра Сасновіч і славачка Тэрэза Міхалікава прайгралі амерыкана-нідэрландскаму дуэту Дэзірэ Краўчык / Дэмі Схюрс - 3:6, 1:6.
Агульны прызавы фонд цяперашняга аўстралійскага першынства складае $51,5 млн. Пераможцы ў мужчынскім і жаночым адзіночным разрадзе атрымаюць па $2 млн. Турнір у Мельбурне завершыцца 29 студзеня.-0-
