Сюзанна Валадзько. Фота НАК
17 красавіка, Мінск /Кар. БЕЛТА/. Беларуска Сюзанна Валадзько заваявала два медалі на чэмпіянаце Еўропы па цяжкай атлетыцы 2025 года, які праходзіць у сталіцы Малдовы Кішынёве, паведамляе карэспандэнт БЕЛТА.
Наша спартсменка стала прызёрам у вагавой катэгорыі да 71 кілаграма. Выступленні ў рыўку Валадзько пачала з двух няўдалых падыходаў на 101 кг, пасля чаго зафіксавала груз 102 кг. У штуршку Сюзанна паслядоўна справілася са штангай вагой 128, 131 і 134 кг, стаўшы тым самым уладальніцай малога серабра ў гэтым практыкаванні. Сума беларускі ў дваябор'і склала 236 кілаграмаў, што прынесла ёй выніковы бронзавы медаль. На мінулагоднім чэмпіянаце Еўропы Валадзько была ў агульнай табліцы другой, а на Алімпійскіх гульнях заняла чацвёртае месца.
Чэмпіёнкай Еўропы ў вазе да 71 кг стала Эйгло Стурлудоцір з Ісландыі (244 кг, 109+135), сярэбраную ўзнагароду выйграла расіянка Зарына Гусалава (241 кг, 110+131). Напярэдадні першы медаль кантынентальнага форуму нашай камандзе прынесла Дзіяна Майсяевіч (да 64 кг), якая ўзяла малую бронзу ў рыўку. Далей у чацвер за прызы турніру ў Кішынёве будуць змагацца нашы Вадзім Ліхарад і Андрэй Фралоў, якія выступаюць у катэгорыі да 81 кг. Усяго чэмпіянат Еўропы сабраў у Малдове больш як 330 штангістаў з 42 краін.-0-
Наша спартсменка стала прызёрам у вагавой катэгорыі да 71 кілаграма. Выступленні ў рыўку Валадзько пачала з двух няўдалых падыходаў на 101 кг, пасля чаго зафіксавала груз 102 кг. У штуршку Сюзанна паслядоўна справілася са штангай вагой 128, 131 і 134 кг, стаўшы тым самым уладальніцай малога серабра ў гэтым практыкаванні. Сума беларускі ў дваябор'і склала 236 кілаграмаў, што прынесла ёй выніковы бронзавы медаль. На мінулагоднім чэмпіянаце Еўропы Валадзько была ў агульнай табліцы другой, а на Алімпійскіх гульнях заняла чацвёртае месца.
Чэмпіёнкай Еўропы ў вазе да 71 кг стала Эйгло Стурлудоцір з Ісландыі (244 кг, 109+135), сярэбраную ўзнагароду выйграла расіянка Зарына Гусалава (241 кг, 110+131). Напярэдадні першы медаль кантынентальнага форуму нашай камандзе прынесла Дзіяна Майсяевіч (да 64 кг), якая ўзяла малую бронзу ў рыўку. Далей у чацвер за прызы турніру ў Кішынёве будуць змагацца нашы Вадзім Ліхарад і Андрэй Фралоў, якія выступаюць у катэгорыі да 81 кг. Усяго чэмпіянат Еўропы сабраў у Малдове больш як 330 штангістаў з 42 краін.-0-
Падпісвайцеся на нас у
