8 красавіка, Мінск /Кар. БЕЛТА/. У тайландскім Пхукеце прадаўжаецца Кубак свету па цяжкай атлетыцы, які з'яўляецца заключным кваліфікацыйным стартам на летнія Алімпійскія гульні 2024 года, паведамляе карэспандэнт БЕЛТА.
З кожнай вагавой катэгорыі ў штагістаў пуцёўкі ў Парыж атрымліваюць атлеты, якія ўвайшлі ў топ-10 сусветнага рэйтынгу па выніках усіх адборачных стартаў. Кожны саіскальнік ліцэнзіі павінен быў прыняць удзел мінімум у пяці кваліфікацыйных турнірах, гэта патрабаванне выканалі чацвёра беларускіх спартсменаў. У нядзелю першую ліцэнзію на Гульні ў цяжкай атлетыцы нашай камандзе прынесла Сюзанна Валадзько, якая выступала ў вазе да 71 кг.
Перад стартам Кубка свету наша спартсменка займала 9-ю пазіцыю ў агульным табелі з сумай 242 кг. У нядзелю беларуска падняла 108 кг у рыўку і справілася з вагой 129 кг у штуршку, рэзультат Валадзько 237 кг прынёс ёй 10-е месца на турніры. Шэсць з дзевяці апярэдзіўшых Сюзанну дзяўчат ужо знаходзіліся вышэй за яе ў рэйтынгу, яшчэ двое саперніц не змаглі перасягнуць лічбу 242 кг, а бронзавая медалістка Кубка Сон Кук Х'ян з КНДР не зможа выступіць на Гульнях з-за папярэдняй дыскваліфікацыі краіны. Такім чынам, Валадзько захавала 9-е месца рэйтынгу.
Напярэдадні на памост у вазе да 89 кг у мужчын выходзіў наш Пётр Асаёнак, які меў перад гэтымі спаборніцтвамі апошні прахадны дзясяты рэзультат у свеце (374 кг у дваябор'і). На жаль, старт у Тайландзе ў беларуса не задаўся: у рыўку Пётр не справіўся з пачатковай вагой 163 кг і завяршыў выступленні, застаўшыся без заліковага паказчыка.
Два галоўныя канкурэнты Асаёнка за месца ў топ-10 канадзец Боўдзі Сантаві і амерыканец Нэйтан Дэмран таксама правалілі апошні турнір, не здолеўшы зафіксаваць вагу ў рыўку. Аднак Ю Донг'ю з Рэспублікі Карэя, які перад Кубкам ішоў толькі 17-м, у Пхукеце падняў у суме 375 кг і падняўся на падагульняючае дзясятае месца рэйтынгу, пацясніўшы адтуль Пятра. Такім чынам, трапіць у Парыж Асаёнак цяпер можа толькі ў выпадку адмовы ад сваёй ліцэнзіі кітайскай каманды, якая цяпер перасягае дапушчальную квоту для адной краіны.
У панядзелак пуцёўку на Алімпійскія гульні павінен афіцыйна аформіць наш Яўген Ціханцоў, які выступае ў вазе да 102 кг, таксама на тайскі памост выйдзе яго таварыш па камандзе Сяргей Шаранкоў. У заключны дзень турніру, 11 красавіка, за ўзнагароды Кубка свету паспаборнічае Эдуард Зязюлін (больш за 109 кг). Усяго спаборніцтвы ў Тайландзе сабралі больш за 450 атлетаў з 109 краін.-0-
З кожнай вагавой катэгорыі ў штагістаў пуцёўкі ў Парыж атрымліваюць атлеты, якія ўвайшлі ў топ-10 сусветнага рэйтынгу па выніках усіх адборачных стартаў. Кожны саіскальнік ліцэнзіі павінен быў прыняць удзел мінімум у пяці кваліфікацыйных турнірах, гэта патрабаванне выканалі чацвёра беларускіх спартсменаў. У нядзелю першую ліцэнзію на Гульні ў цяжкай атлетыцы нашай камандзе прынесла Сюзанна Валадзько, якая выступала ў вазе да 71 кг.
Перад стартам Кубка свету наша спартсменка займала 9-ю пазіцыю ў агульным табелі з сумай 242 кг. У нядзелю беларуска падняла 108 кг у рыўку і справілася з вагой 129 кг у штуршку, рэзультат Валадзько 237 кг прынёс ёй 10-е месца на турніры. Шэсць з дзевяці апярэдзіўшых Сюзанну дзяўчат ужо знаходзіліся вышэй за яе ў рэйтынгу, яшчэ двое саперніц не змаглі перасягнуць лічбу 242 кг, а бронзавая медалістка Кубка Сон Кук Х'ян з КНДР не зможа выступіць на Гульнях з-за папярэдняй дыскваліфікацыі краіны. Такім чынам, Валадзько захавала 9-е месца рэйтынгу.
Напярэдадні на памост у вазе да 89 кг у мужчын выходзіў наш Пётр Асаёнак, які меў перад гэтымі спаборніцтвамі апошні прахадны дзясяты рэзультат у свеце (374 кг у дваябор'і). На жаль, старт у Тайландзе ў беларуса не задаўся: у рыўку Пётр не справіўся з пачатковай вагой 163 кг і завяршыў выступленні, застаўшыся без заліковага паказчыка.
Два галоўныя канкурэнты Асаёнка за месца ў топ-10 канадзец Боўдзі Сантаві і амерыканец Нэйтан Дэмран таксама правалілі апошні турнір, не здолеўшы зафіксаваць вагу ў рыўку. Аднак Ю Донг'ю з Рэспублікі Карэя, які перад Кубкам ішоў толькі 17-м, у Пхукеце падняў у суме 375 кг і падняўся на падагульняючае дзясятае месца рэйтынгу, пацясніўшы адтуль Пятра. Такім чынам, трапіць у Парыж Асаёнак цяпер можа толькі ў выпадку адмовы ад сваёй ліцэнзіі кітайскай каманды, якая цяпер перасягае дапушчальную квоту для адной краіны.
У панядзелак пуцёўку на Алімпійскія гульні павінен афіцыйна аформіць наш Яўген Ціханцоў, які выступае ў вазе да 102 кг, таксама на тайскі памост выйдзе яго таварыш па камандзе Сяргей Шаранкоў. У заключны дзень турніру, 11 красавіка, за ўзнагароды Кубка свету паспаборнічае Эдуард Зязюлін (больш за 109 кг). Усяго спаборніцтвы ў Тайландзе сабралі больш за 450 атлетаў з 109 краін.-0-
