Фота з архіва
3 красавіка, Мінск /Кар. БЕЛТА/. У Кіраўску Мурманскай вобласці РФ прадаўжаецца фінальны этап Кубка Расіі па лыжных гонках сезона-2023/24 з удзелам беларускіх спартсменаў, паведамляе карэспандэнт БЕЛТА.
У сераду на фінальным этапе адбыліся гонкі праследавання свабодным стылем, стартавыя пратаколы якіх фарміраваліся па выніках учарашніх спрынтаў. У жаночым пасьюце прынялі ўдзел 72 спартсменкі, наша Ганна Каралёва выйшла на 10-кіламетровую дыстанцыю пад адзінаццатым нумарам з дэфіцытам 37 секунд ад лідара. Палепшыць пазіцыю ў Каралёвай не атрымался, беларуска фінішавала на падагульняючым 19-м месцы, уступіўшы пераможцы Вераніцы Сцяпанавай больш за дзве мінуты.
Яшчэ адна прадстаўніца нашай краіны Ганна Мачахіна апусцілася з 26-й на 30-ю пазіцыю, іншыя беларускі Лізавета Пінчук, Аліна Буйніцкая і Ульяна Хоміч паказалі рэзультаты па-за пяцідзесяці мацнейшых. У мужчынскай гонцы праследавання на 15 кіламетраў наш Раман Ялётнаў размяняў 30-е стартавае месца на 31-е на фінішы, а Данііл Сянькевіч і Аляксей Губенка размясціліся ў канцы шостага дзясятка. Усяго на дыстанцыю выйшлі 70 чалавек, лепшым з якіх стаў Аляксандр Бальшуноў.
5 красавіка на апошнім этапе Кубка Расіі па лыжных гонках адбудуцца гонкі з раздзельнага старту класічным стылем. У сезоне-2023/24 прадстаўнікі Беларусі яшчэ не траплялі на подыум у рамках турніру, некалькі разоў да гэтага набліжалася Ганна Каралёва. На першым этапе ў лістападзе наша лыжніца стала 4-й у спрынце, а на другім этапе ў снежні беларуска была 4-й у індывідуальнай гонцы і 6-й у спрынце.-0-
У сераду на фінальным этапе адбыліся гонкі праследавання свабодным стылем, стартавыя пратаколы якіх фарміраваліся па выніках учарашніх спрынтаў. У жаночым пасьюце прынялі ўдзел 72 спартсменкі, наша Ганна Каралёва выйшла на 10-кіламетровую дыстанцыю пад адзінаццатым нумарам з дэфіцытам 37 секунд ад лідара. Палепшыць пазіцыю ў Каралёвай не атрымался, беларуска фінішавала на падагульняючым 19-м месцы, уступіўшы пераможцы Вераніцы Сцяпанавай больш за дзве мінуты.
Яшчэ адна прадстаўніца нашай краіны Ганна Мачахіна апусцілася з 26-й на 30-ю пазіцыю, іншыя беларускі Лізавета Пінчук, Аліна Буйніцкая і Ульяна Хоміч паказалі рэзультаты па-за пяцідзесяці мацнейшых. У мужчынскай гонцы праследавання на 15 кіламетраў наш Раман Ялётнаў размяняў 30-е стартавае месца на 31-е на фінішы, а Данііл Сянькевіч і Аляксей Губенка размясціліся ў канцы шостага дзясятка. Усяго на дыстанцыю выйшлі 70 чалавек, лепшым з якіх стаў Аляксандр Бальшуноў.
5 красавіка на апошнім этапе Кубка Расіі па лыжных гонках адбудуцца гонкі з раздзельнага старту класічным стылем. У сезоне-2023/24 прадстаўнікі Беларусі яшчэ не траплялі на подыум у рамках турніру, некалькі разоў да гэтага набліжалася Ганна Каралёва. На першым этапе ў лістападзе наша лыжніца стала 4-й у спрынце, а на другім этапе ў снежні беларуска была 4-й у індывідуальнай гонцы і 6-й у спрынце.-0-
