Сцяг Панядзелак, 17 чэрвеня 2024
Усе навіны
Усе навіны
Спорт
22 сакавіка 2023, 16:27

Беларуска Юлія Апанасовіч выйшла ў паўфінал чэмпіянату свету па боксе

22 сакавіка, Мінск /Кар. БЕЛТА/. У сталіцы Індыі Нью-Дэлі прадаўжаецца 13-ы чэмпіянат свету па боксе сярод жанчын з удзелам беларускіх спартсменак, паведамляе карэспандэнт БЕЛТА.

У праграму сёмага дня спаборніцтваў увайшлі паядынкі адной чацвёртай фіналу ва ўсіх дванаццаці вагавых катэгорыях. Беларуска Юлія Апанасовіч, якая выступае ў вазе да 52 кг, аднагалосным рашэннем суддзяў перамагла прадстаўніцу Непала Анджані Тэлі і выйшла ў паўфінал сусветнага першынства. Такім чынам, Юлія гарантавала сабе медаль чэмпіянату свету, паколькі баі за трэцяе месца на турніры не прадугледжаны, і ў выпадку паражэння ў паўфінале Апанасовіч аўтаматычна стане бронзавым прызёрам. За выхад у фінал беларуска паспрачаецца з Ву Ю з Кітая, гэты паядынак пройдзе заўтра.

Таксама ў сераду свой чвэрцьфінальны бой у катэгорыі да 81 кг правяла наша Вікторыя Кебікава. Саперніцай беларускі па гэтай стадыі была Савіці Бора з Індыі, якая ў выніку дабілася пераканаўчай перамогі з лікам 5:0. Раней выступленні на планетарным форуме ў Нью-Дэлі завяршылі беларускі Ала Івашкевіч (в/к да 60 кг), Аліна Вебер (да 75 кг), Арына Данільчык (да 66 кг) і Яна Бурым (да 50 кг).

Усяго ўдзел у галоўных спаборніцтвах сезона для жанчын прымаюць больш за 300 спартсменак з 65 краін. Паядынкі за залатыя медалі ЧС адбудуцца 25 і 26 сакавіка.-0-

Падпісвайцеся на нас у
Twitter
Топ-навіны
Свежыя навіны Беларусі