16 сакавіка, Мінск /Кар. БЕЛТА/. Аб'яднаны свет барацьбы (UWW) апублікаваў рэйтынгі лепшых спартсменак, паведамляе афіцыйны сайт федэрацыі.
У вагавой катэгорыі да 57 кг трэцяе месца займае беларуска Ірына Курачкіна, уступаючы толькі амерыканцы Хелен Маруліс і Эвеліне Нікалавай з Балгарыі. На Алімпійскіх гульнях, якія прайшлі ў Токіа, Курачкіна заваявала сярэбраны медаль.
Таксама ў топ-10 сусветных рэйтынгаў трапілі беларускі Ванэса Каладзінская (7-е месца ў катэгорыі да 53 кг), Вераніка Іванова (10-е, да 62 кг), Марыя Мамашук (6-е, да 65 кг) і Настасся Зімянкова (8-е, да 72 кг).-0-
