4 кастрычніка, Мінск /Кар. БЕЛТА/. У Сочы стартавалі Міжнародныя комплексныя спартыўныя спаборніцтвы "Летнія гульні паралімпійцаў "Мы разам. Спорт" з удзелам беларускіх атлетаў, паведамляе карэспандэнт БЕЛТА.
Удзел у Гульнях прымаюць каманды Беларусі, Арменіі, Германіі, Грузіі, Казахстана, Малі, Сербіі, Таджыкістана, Узбекістана і Эрытрэі, а таксама зборныя суб'ектаў Расіі. У першы дзень спаборніцтваў былі разыграны чатыры камплекты медалёў у фехтаванні на калысках, прайшлі тры туры спаборніцтваў па шашках і шахматах сярод спартсменаў з ПАРА і парушэннем зроку, матчы футбольнага турніру, а таксама афіцыйная прыстрэлка ў лучнікаў. Чэмпіёнкай Гульняў у фехтаванні на шпагах стала беларуска Хрысціна Фяклістава, яшчэ адна прадстаўніца нашай краіны Аляксандра Ільмінская ў гэтым відзе праграмы заваявала бронзу.
Гульні паралімпійцаў "Мы разам. Спорт" будуць праходзіць у Сочы па 9 кастрычніка. Усяго спартсмены разыграюць 436 камплектаў узнагарод у 9 летніх відах спорту, у праграму спаборніцтваў увайшлі лёгкая атлетыка, плаванне, настольны тэніс, стральба з лука, паратхэквандо, фехтаванне на калясках, футбол, а таксама шашкі і шахматы.-0-
