Сцяг Пятніца, 19 красавіка 2024
Усе навіны
Усе навіны
Спорт
22 студзеня 2024, 14:40

Беларуска Ганна Церах выйграла шматдзённую гонку на чэмпіянаце Расіі па веласпорце на трэку

Ганна Церах. Фота з архіва
Ганна Церах. Фота з архіва
22 студзеня, Мінск /Кар. БЕЛТА/. У Санкт-Пецярбургу набліжаецца да завяршэння чэмпіянат, Кубак і першынство Расіі па веласіпедным спорце на трэку з удзелам беларускіх спартсменаў, паведамляе карэспандэнт БЕЛТА.

У рамках чэмпіянату Расіі веласіпедысты разыгрывалі медалі ў шматдзённай гонцы па ачках. У жаночым турніры лепшы вынік паказала прадстаўніца нашай краіны Ганна Церах. Беларуска атрымала перамогі на першым, другім і трэцім этапах гонкі, а таксама стала другой на заключным чацвёртым этапе. У агульным заліку Церах на 10 ачкоў апярэдзіла сярэбраную медалістку Наталлю Фралову з Тульскай вобласці, тройку мацнейшых замкнула яшчэ адна наша спартсменка Караліна Бірук. Беларускі Ірына Чуянкова і Таісія Насковіч занялі 6-е і 13-е месцы сярод 18 удзельніц.

У шматдзённай гонцы сярод мужчын за крок ад п'едэстала гонару спыніўся наш Раман Раманаў. Беларускі веласіпедыст трапляў на подыум па выніках двух этапаў з шасці, але ў генеральнай класіфікацыі размясціўся чацвёртым, адстаўшы ад бронзавай пазіцыі ўсяго на тры балы. Чэмпіёнам Расіі ў гэтай дысцыпліне стаў Леў Гонаў з Санкт-Пецярбурга. Што датычыцца выступленняў іншых беларусаў, то Яўген Каралёк і Дзяніс Мазур сталі 15-м і 16-м адпаведна, а Сцяпан Безгерц і Артур Кірыевіч сталі 21-м і 22-м сярод 24 фіналістаў. Нашы Вадзім Адзінец, Дзяніс Марчук, Аляксей Шманцар, Дзмітрый Іванчанка і Антон Клінчык у лік удзельнікаў фіналу не трапілі.

Акрамя таго, паралельна чэмпіянату Расіі ў Санкт-Пецярбургу праходзіць і розыгрыш Кубка гэтай краіны, цяпер у нашай каманды дзве ўзнагароды - золата і бронза, якія прынёс Арцём Зайцаў. Спачатку беларус заняў трэцяе месца ў гіце на 200 метраў з месца, а затым стаў пераможцам спаборніцтваў у спрынце.-0-
Падпісвайцеся на нас у
Twitter
Топ-навіны
Свежыя навіны Беларусі