10 сакавіка, Мінск /Кар. БЕЛТА/. Беларуская фрыстайлістка Ганна Гуськова кваліфікавалася ў фінал чэмпіянату свету па лыжнай акрабатыцы, які праходзіць у Чымбулаку (Казахстан), паведамляе карэспандэнт БЕЛТА.
Пропускам у гэту стадыю планетарнага форуму для яе стала ацэнка 80,04 бала. Гэта прамежкавае 12-е месца. Алімпійская чэмпіёнка Гульняў-2018 будзе адкрываць наступную стадыю спаборніцтваў.
Лідзіруючую тройку ў стартах жанчын па выніках першага патоку кваліфікацыі склалі аўстралійка Даніэль Скот - 93,76 бала, расіянка Любоў Нікіціна - 92,35, яшчэ адна аўстралійка Лора Піл - 89,53. У другім патоку лепшыя рэзультаты ў немкі Эмы Вайс - 82,21, Меган Смолхаўз з ЗША - 81,9, украінкі Настассі Навасад - 81,9.-0-
