Мабільная версія
ДЗЯРЖОРГАНЫ

Апошнія навіны
Усе навіны

Беларуска Дар'я Навумава заваявала золата ЧЕ па цяжкай атлетыцы ў Батумі

Спорт 12.04.2019 | 10:10
Дар'я Навумава. Фота weightlifting.by
Дар'я Навумава. Фота weightlifting.by

12 красавіка, Мінск /Кар. БЕЛТА/. Беларуска Дар'я Навумава заваявала залатую ўзнагароду чэмпіянату Еўропы па цяжкай атлетыцы, які праходзіць у Батумі (Грузія), паведамляе карэспандэнт БЕЛТА.

У вагавой катэгорыі да 76 кг сярэбраны прызёр Алімпіяды-2016 стабільна правяла сваё выступленне, паказаўшы рэзультат 242 кг (106+136 кг). Адзін з лідараў у гэтай вазе іспанка Лідзія Валенцін заваявала сярэбраную ўзнагароду - 241 кг (108+133 кг). У заключнай спробе ёй не скарылася штанга вагой 137 кг. Бронзавым прызёрам чэмпіянату стала Патрысія Стрэнюс са Швецыі - 233 кг (101+132 кг).

Пасля выступлення Дар'я Навумава адзначыла, што выступіла па намечаным плане, зрабіўшы ўсе тры спробы ў другім практыкаванні - штуршку.

На чэмпіянаце Еўропы ў Батумі ў беларускай камандзе раней залатую ўзнагароду ў дваябор'і заваяваў Генадзь Лапцеў, другое месца ў Пятра Асаёнка, бронзавыя ўзнагароды ў актыве Юліі Асаёнак (45 кг) і Вадзіма Ліхарада (73 кг).

На кантынентальным форуме ў Батумі спаборнічаюць больш за 400 атлетаў з 47 краін. Гэты турнір мае статус ліцэнзійнага. Яго ўдзельнікі змогуць заваяваць ачкі, неабходныя для выступлення на Алімпійскіх гульнях у Токіа ў 2020 годзе. Завершыцца чэмпіянат Еўропы ў Грузіі 13 красавіка.-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Работа ўстаноў аховы здароўя ў выхадныя і святочныя дні ў маі У час святочных мерапрыемстваў будуць дзяжурыць медыкі. Службы хуткай медыцынскай дапамогі будуць пераведзены ў рэжым павышанай гатоўнасці.