3 кастрычніка, Мінск /Кар. БЕЛТА/. Беларуска Арына Сабаленка займае 5-е месца ў рэйтынгу Жаночай тэніснай асацыяцыі (WTA), паведамляе карэспандэнт БЕЛТА.
Тыдзень таму лепшая беларуская тэнісістка знаходзілася на шостай пазіцыі, а цяпер паднялася на адзін радок, маючы 3470 ачкоў. Вікторыя Азаранка займае 24-е месца (1896 ачкоў), Аляксандра Сасновіч засталася на 31-й пазіцыі (1521). На гэтым тыдні дзве беларускі згуляюць на турніры ў чэшскай Остраве. У 1/16 фіналу Азаранка сустрэнецца з расіянкай Кацярынай Аляксандравай (21-ы нумар сусветнага рэйтынгу), а Сасновіч будзе сапернічаць з прадстаўніцай Латвіі Аленай Астапенка (16).
Топ-10 рэйтынгу WTA:
1. Іга Свёнтак (Польшча) - 10 180 ачкоў;
2. Унс Джабір (Туніс) - 4895;
3. Анет Кантавейт (Эстонія) - 4010;
4. Паўла Бадоса (Іспанія) - 3934;
5. Арына Сабаленка (Беларусь) - 3470;
6. Джэсіка Пегула (ЗША) - 3447;
7. Марыя Сакары (Грэцыя) - 3355;
8. Кока Гаўф (ЗША) - 3047;
9. Сімона Халеп (Румынія) - 3025;
10. Каралін Гарсія (Францыя) - 2930.
У рэйтынгу Асацыяцыі тэнісістаў-прафесіяналаў (АТР) лепшы з беларусаў Ілья Івашка займае 70-е месца (730 ачкоў), Ягор Герасімаў знаходзіцца на 212-м радку (245).
Першая дзясятка рэйтынгу АТР:
1. Карлас Алькарас (Іспанія) - 6740;
2. Рафаэль Надаль (Іспанія) - 5810;
3. Каспер Рууд (Нарвегія) - 5645;
4. Данііл Мядзведзеў (Расія) - 5065;
5. Аляксандр Звераў (Германія) - 5040;
6. Стэфанас Цыцыпас (Грэцыя) - 4810;
7. Новак Джокавіч (Сербія) - 3720;
8. Кэмеран Норы (Вялікабрытанія) - 3445;
9. Андрэй Рублёў (Расія) - 3345;
10. Хуберт Гуркач (Польшча) - 3175.-0-
