25 мая, Мінск /Кар. БЕЛТА/. Беларуская тэнісістка Аляксандра Сасновіч (47-ы нумар рэйтынгу WTA) прабілася ў 1/16 фіналу адкрытага чэмпіянату Францыі, паведамляе карэспандэнт БЕЛТА.
У 1/32 фіналу беларуска за дзве гадзіны перамагла ў трохсэтавым паядынку брытанку Эму Радукану (12) - 3:6, 6:1, 6:1. У першым крузе Аляксандра Сасновіч выйграла ў кітаянкі Ван Сіньюй (77) - 6:4, 6:1, а ў трэцім раўндзе будзе сапернічаць з пераможцай сустрэчы паміж немкай Ангелікай Кербер (17) і францужанкай Эльзай Жакмо (215).
Таксама сёння Вікторыя Азаранка (15) абыграла ў другім раўндзе прадстаўніцу Германіі Андрэа Петкавіч (65) - 6:1, 7:6 (7:3). У 1/16 фіналу саперніцай беларускі будзе швейцарка Джыл Тайхман (24). На старце спаборніцтваў у Парыжы Вікторыя Азаранка перамагла румынскую тэнісістку Ану Богдан (93) - 6:7 (7:9), 7:6 (7:1), 6:2.
Учора сёмая ракетка планеты беларуска Арына Сабаленка выйграла ў 1/64 фіналу ў францужанкі Хлоі Паке (101) - 2:6, 6:3, 6:4, а заўтра ў другім крузе сустрэнецца з амерыканкай Мэдысан Брэнгл (57).
Адкрыты чэмпіянат Францыі фінішуе 5 чэрвеня.-0-
