10 верасня, Мінск /Кар. БЕЛТА/. Беларуская тэнісістка Аляксандра Сасновіч атрымала другую перамогу на турніры ў турэцкім Стамбуле з прызавым фондам $202 тыс., паведамляе карэспандэнт БЕЛТА.
Сёння ў трохсэтавым паядынку за выхад у чвэрцьфінал беларуска перамагла славацкую тэнісістку Ганну Шмідлаву (182) - 6:7 (5:7), 6:4, 6:3. Сустрэча прадаўжалася амаль тры гадзіны. У першым раўндзе Аляксандра Сасновіч выйграла ў казахстанскай тэнісісткі Зарыны Дыяс (69) - 3:6, 7:5, 6:1.
У матчы за выхад у паўфінальную стадыю Аляксандра Сасновіч сустрэнецца з пераможцай гульні паміж французскай тэнісісткай Каралін Гарсіяй (50) і чэшкай Тэрэзай Марцінцавай (136).
У парным разрадзе гэтых спаборніцтваў беларуска Лідзія Марозава і румынская спартсменка Крысціна-Андрэа Міту ўступілі ў 1/8 фіналу амерыкана-чылійскаму тандэму Дэзірэ Краўчык / Алекса Гуарачы - 6:4, 1:6, 8:10.
На мужчынскім турніры серыі "Чэленджэр" у чэшскім горадзе Просцеёў беларускі тэнісіст Ілья Івашка (139) у 1/16 фіналу адзіночнага разраду сустракаўся з чэхам Іржы Веселам (67) і ўступіў у дзвюх партыях - 2:6, 3:6. У чвэрцьфінале парнага разраду беларуска-ізраільскі дуэт Андрэй Васілеўскі / Ёнатан Эрліх прайграў чэшскаму тандэму Здэнек Колар / Лукаш Росал - 4:6, 4:6.
Турніры ў Стамбуле і Просцеёве завершацца 13 верасня.-0-
